د کابل ښاروالۍ د ترافیکي چارو د همغږۍ، د مارکیټونو د تنظیم او د دویمې ناحیې د ریاستونو له لوري د ده افغانانو، آسمايي واټ، زیر زمینیو په سر، نادر پښتون واټ او فروشګاه په سیمو کې د ښاري نظم لپاره هڅې وشوې او دا کار به د حمایوي او تقویتي پروګرامونو له لارې روان وي. هغه ګرځنده کراچیو ته چې په یادو سیمو کې د سړکونو او پلو لارو د بندیدو سبب ګرځیدې رسیدنه وشوه. په دې لړ کې یو شمیر سرغړونکي اصناف تادیب او جریمه شول او دوی ته وویل شول چې بیا ناقانونه فعالیتونه ونه کړي او د ښاري بې نظمیو سبب ونه ګرځي. دغه راز د لیني موټرو د تم ځایونو د تنظیم لپاره هم ګډې هڅې دوام لري او کابل ښاروالي ژمنتیا لري، څو ښاري قوانین او کړنلارې په سمه توګه عملي کړي او ښاریانو ته ډیر شمیر آسانتیاوې رامنځته کړي.