د سړکونو د جدولونو رنګولو پر دوام په دیارلسمه ناحیه کې د پوهنې شهیدانو سړک د جدولونو رنګ چارې د کابل ښاروالۍ د کلتوري چارو رئیس قاري ولي ګل جواد او د دیارلسمې ناحیې د رئیس عبدالاحمد ملکیار په شتون کې د یادې ناحیې د ځوانانو شورا، اصنافو او کسبه کارانو له لوري پیل شوې. ټاکل شوې ده د یاد سړک ټول جدولونه د کابل ښاروالۍ او یو شمیر ښاریانو له لوري رنګ شي. په دې کار سره به ښاري ښکلا او نظم رامنځته شي.