د کابل ښاروالۍ د خلکو د همغږۍ چارو ریاست له لوري د ګذر وکالت ټاکنو پر دوام د ۸ ناحیې د ۴ ګذر لپاره ټاکنې ترسره شوې چې په پایله کې یې مولوي انصارالله مولوي زاده وکولای شول د خلکو د ډیرو رایو په ترلاسه کولو سره د یاد ګذر د وکالت څوکۍ وګټي. ګذر وکیل د ښاروالیو قانون د ۵۴ او د ګذر وکالت ټاکنو د نوې مقررې د ۱۳ مادې پر بنسټ د ورکړل شویو مسئولیتونو له مخې له کابل ښاروالۍ سره همکاري کوي. د ګذر وکالت ټاکنې لومړی په هغه ناحیو کې چې وکیل یې مړ وي، له دندې یې استعفا ورکړې وي او یا ترې د خلکو شکایت موجود وي، ټاکنې کوي او وروسته دا پروسه ټولو ناحیو ته غځوي.