د ۳۰ جریبه او ۹۰۰ متر مربع په پراخوالي د کمپنۍ سیمې موټرپلورونکو ته د څوارلسمې ناحیې اړوند قرغې بند ته نیږدې مناسب ځای وټاکل وشو او نن د کابل ښاروال مولوي عبدالرشید له لوري په داسې حال کې چې د موټر پلورنځیو استازو هم ګډون درلود پرانیستل شو. شاوخوا ۴۰ موټر پلورونکي چې مخکې یې په کمپنۍ سیمه کې په یوه نا مناسب ځای کې فعالیت کاوه، د قرغې بند سیمې ته نیږدې لیږدول کیږي او دغه راز په یاده سیمه کې یو جومات، یو هوټل، یو د موټر مینځلو ځای او یو ورکشاپ هم په نظر کې نیول شوي دي. کابل ښاروالۍ د دوی د مصئون فعالیت په موخه دا موټر پلورونکي، قرغې بند ګلف لوبغالي ته نیږدې د ۳۰ جریبه او ۹۰۰ متره په اوږدوالي سیمې ته لیږدوي. کابل ښاروالي له یادو موټرپلورونکو سره په میایشتنۍ توګه ۵۵۰ زره افغانۍ قرارداد کړی دی.