د کابل ښاروالۍ د ټولنیزو او فرهنګي چارو مرستیال مولوي حبیب الرحمن منصور د دویمې ناحیې له بېلابېلو ګذر وکیلانو څخه د لیدنې پر مهال د خلکو د ښېګڼې او ټولنیزو مسایلو په اړه د هڅونې او را بلنې په ترڅ کې وکیلانو او خلکو ته دقانون پر پلې کیدو اوښاري اصولو په پام کې نیولو ټینګار وکړ. څو اوسیدونکي په فردي مسؤلیتونو کې د ژوند کولو چاپیریال اخلاقي اصول په پام کې ونیسي. د ټولنیزو او فرهنګي چارو مرستیال د خلکو د هڅونې پرمهال وویل، که موږ هر یو د ښاري ژوند په وړاندې خپله اخلاقي او انساني دنده درک کړو؛ په نږدې راتلونکي کې به موږ په خپل ښاري ژوند کې دسوکالۍ او هوساینې سره مخ شو. هغه زیاته کړه، د ښاري مدیریت په برخه کې د وکیلانو او ولسونو رول مهم دی او هیله لري چې د پروګرامونو او پلانونو په تطبیق کې به له دغه ستر خدمتي بنسټ سره پوره همکاري وکړي.