د کابل ښاروالۍ د خپرونو او عامه پوهاوي ریاست له لوري د کابل ښار په کچه په ښوونځیو کې د ښاري فرهنګ او مسئولیت پیژندلو په اړه د عامه پوهاوي پروګرامونو پر دوام، په عایشه دراني ښوونځي کې د عامه پوهاوي پروګرام ترسره شو. د یاد ښوونځي زده کوونکو ته د هوا د ککړتیا، په ټاکل شویو ځایونو کې د کثافاتو غورځولو، د ښاري اصولو پیژندنې او له ښاري تاسیساتو د سمې ګټې اخیستنې په برخه کې معلومات ورکړل شول، څو د ښار پر وړاندې ټول خپل مسئولیت ادا کړي. د یادونې وړ ده چې په یاد پروګرام کې د عامه پوهاوي یو شمیر مجلې هم په زده کوونکو وویشل شوې.