د کابل ښاروالۍ د کار ساتنې او مراقبت خدماتي پرسونل د پنځمې ناحیې اړوند د خوشحال خان مینې نښلوونکي سړک د استملاکي خنډونو پاکولو له امله د رامنځته شویو خاورو په پاکولو بوخت دي. په وروستیو ورځو کې له یاد سړک ۴۰۰۰متره مکعب اضافي مواد لیږدول شوي دي. د ماسټر پلان له مخې یاد سړک د ۱۰۵۰ متره په اوږدوالي د ۳۰ متره پراخوالي د ویالو او او پلو لارو په ګډون په بنسټیزه او معیاري توګه جوړیږي. یاد سړک د خوشحال خان مینې ج سیمه قلعه وزیر له شیرولي وردګ واټ یا چهل متره سره نښلوي. د دې سړک په جوړیدو سره به د سیمې د خلکو ډیر شمیر چاپیریالي ستونزې حل او ښاري ترانسپورټي آسانتیاوې به رامنځته شي.