کابل ښاروالي پلان لري څو له همکارې مهیوانیمل هوم موسسې او نورو اړوند ادارو سره په همغږۍ د کوڅه ډبو سپیانو مدیریت او د شنډولو پروسه لا پراخه کړي. په وروستیو څو کلونو کې د ښار په کچه له غوره لارو چارو او تجربو کار اخیستل شوی دی او په بیلابیلو ناحیو کې د لیونیو سپیانو واکسین او د شڼدولو پروګرام پلی شوی دی او دا پروسه به لا پراخه شي. د یونت مرکزي ټیمونو سربیره په هره ناحیه کې ۱۰ کسه د کابل ښاروالۍ پرسونل په دې برخه کې مسلکي روزل شوي دي، څو وکولای شي پر وخت د کوڅه ډبو او لیونیو سپیانو ستونزې ته رسیدنه وکړي او دغه راز وکولای شي په اړوند ناحیه کې د یونټ له مرکزي ټیمونو سره مرسته وکړي. له یادو ټیمونو سره د ډاډمنتوب وسایل او د لیونیو سپیانو د نیولو وسایل لکه جال او ځانګړي قالبونه شته دي.