د کابل ښاروالۍ د زرغونتیا ریاست پرسونل د قرغې بند په سیمه کې د ۲۷۰ هکټاره په پراخوالي ځمکه کې د زرغون کمربند د ۱۵۰،۰۰۰ نیالګیو او ونو په خړوب او ساتنه بوخت دي. مخکې د دې کمربند ساتنه او خړوب د کرنې او اوبولګولو وزارت په غاړه وو، چې په وروستیو کې دا مسئولیت کابل ښاروالۍ ته وسپارل شو. د قرغې بند زرغون کمربند اوس مهال د یوې ژورې څاه، واټر پمپ او پنځو د اوبو زیرمو په وسیله خړوب کیږي. د یاد کمر بند د دوامداره ساتنې او خړوب لپاره یو شمیر مالي او انساني سرچینو ته جدي اړتیا لیدل کیږي.