دکابل ښاروالۍ د پنځمې ناحیې مسئولانو بشپړ ښاري نظم ته د رسیدو او د ګڼې ګوڼې د کمښت په موخه د کوټه سنګي( میرویس میدان) سیمه تر پل سوخته له ښاري بې نظمیو په بشپړه توګه پاکه کړه. هغه کراچۍ چې د پلو لارو د بندیدو سبب ګرځیدلې وې پاکې او له سیمې ولیږدول شوې. دغه راز د ناقانونه تاسیساتو او د هټیو مخې ته د رغونو سرغړونو ته هم رسیدنه وشوه. د څارنو په لړ کې یو شمیر تیر وخته خوراکي توکي تر پیژندلو وروسته ځانګړو ځایونو ته ولیږدول شول. په همدې لړ کې خپلسري د موټرو تم ځایونه هم ولیږدول شول او سرغړونکي جریمه او تادیب شول. د دوامداره ښاري نظم په موخه یاده سیمه د پنځمې ناحیې د مسئولانو له لوري څارل کیږي.