د کابل ښاروالۍ د کار ساتنې او مراقبت ریاست پرسونل تیره شپه د خوشحال خان مینې د ج برخې نښلوونکي سړک د خنډونو او ناقانونه تاسیساتو په پاکولو بوخت وو. د شپې شفټ کاري ټیمونه د چارو د چټکتیا او ښاریانو ته د مزاحمت نه کولو په موخه رامنځته شوي دي. د کابل ښاروالۍ رهبري او پرسونل هڅه کوي څو تر لاس لاندې پروژې په دقت او چټکتیا سره پلې کړي. د خوشحال خان مینې د ج برخې نښلوونکی سړک د ۱۰۵۰ مترو په اوږدوالي د ۳۰ متره پراخوالي د ویالو او او پلو لارو په ګډون په بنسټیزه او معیاري توګه جوړیږي. یاد سړک د خوشحال خان مینې ج برخه قلعه وزیر له شیرولي وردګ واټ یا چهل متره سره نښلوي. د دې سړک په جوړیدو سره به د سیمې د خلکو ډیر شمیر چاپیریالي ستونزې حل او ښاري ترانسپورټي آسانتیاوې به رامنځته شي.