د لوی اختر د رارسیدو او د ښاري ښکلا رامنځته کېدو په موخه د محمود خان په پله کې د ساعت تاریخي ټاور د روښنایۍ فعالولو چارې پیل شوې. د کابل ښاروالۍ د کلتوري چارو رئيس قاري ولي ګل جواد وايي، یاد رياست ژمن دى څو د لوی اختر تر رارسېدو پورې د کابل ښار بڼه نوره هم ښکلې شي. نوموړي زیاته کړه چې د ساعت تاریخي ټاور یو له همدې کارونو څخه دی، چې د روښنایۍ فعالولو چارې یې پیل شوې دي. په پل محمودخان سیمه کې ساعت تاریخي ټاور د لومړي ځل لپاره په ۱۳۱۲ لیږدیز لمریز کال کې د امیرحبیب الله خان د واکمنۍ پر مهال جوړ شو ، چې بیا د کورنۍ جګړې له امله بیرته ویجاړ شو. وروسته یو ځل بیا په ۱۳۹۲ کال کې د کابل ښاروالۍ په هڅو ورغول شو.