د کابل ښاروالۍ د مالي او اداري چارو مرستیال الحاج مولوي سید عصمت الله عاصم د رغونې او بیارغونې پروژو د پلي کیدو په اړه له یو شمیر تخنیکي مسئولانو سره غونډه ترسره کړه. د کابل ښاروالۍ مرستیال وویل چې، د پروژو تدارکاتي چارې دې هرڅه ژر پیل شي او په دې برخه کې یې مسئولانو ته ځانګړې سپارښتنې وکړې. نوموړي ټینګار وکړ چې، تر لاس لاندې پروژې دې په پوره دقت او غوره کیفیت پلې شي او د تخنیکي اسنادو پر بنسټ دې د تخنیکي مسئولانو له لوري له پروژو وخت ناوخت څارنه شي، څو له سرچینو او فرصتونو غوره ګټه واخیستل شي. ټاکل شوې ده د تدارکاتي پړاونو تر پای ته رسیدو وروسته د رغونې او بیارغونې د یو شمیر پروژو چارې په عملي توګه پیل شي.