د کابل ښاروالۍ د خلکو د همغږۍ چارو ریاست او د ا،ا،ا د چارو ادارې د ټولنیزو او فرهنګي چارو د ریاست ترمنځ ټولنیزو موخو ته د رسیدو په اړه د همغږۍ غونډه ترسره شوه. د چارو ادارې د عملیاتي پلان له مخې دوی د کابل ښاروالۍ د خلکو د همغږۍ چارو ریاست په مرسته د ۲۲ ګونو ناحیو له ګذر وکیلانو، عالمانو، ځوانانو او قومي مشرانو سره غونډې لري. یادې غونډې تر دې دمه د دیارلسمې او یولسمې ناحیې له ګذر وکیلانو او مشرانو سره د چارو ادارې په تالار کې ترسره شوې دي.