د پنځمې ناحیې اړوند د ده عربانو په سیمه کې د وردګو کوڅې کانګریټ چارې چې څه موده وړاندې د کابل ښاروالۍ د کار ساتنې او مراقبت ریاست له لوري پیل شوې وې، لاهم روانې دي. د وردګو او ورڅیرمه کوڅو کارنګریټ چارې به د ۳۰۰ مترو په اوږدوالي ترسره شي. اوس مهال د دې پروژې ۱۵۶ متره کانګریټ چارې ترسره شوې دي، چې ډیر ژر به یې د پاتې برخې کانګریټ چارې هم بشپړې او ګټې اخیستنې ته به وسپارل شي. د یادې کوڅې په کانګریټ کیدو سره به د سیمې د خلکو د خاورو او خټو ستونزې حل شي او خلکو ته به ډیر شمیر ټولنیزې او اقتصادي آسانتیاوې رامنځته شي. محرومو سیمو ته پاملرنه د کابل ښاروالۍ لومړیتوب دی او مالي امکاناتو او سرچینو ته په کتو به په بیلابیلو محرومو ناحیو کې د رغونې او بیارغونې پروژې پلې شي.