د کابل ښاروالۍ د کار ساتنې او مراقبت ریاست له لوري له تهیه مسکن څلورلارې تر سرای شمالي سړک د اصلي لیکو دویم او دریم پړاو قیر چارې به ډیر ژر بشپړې او ګټې اخیستنې ته به وسپارل شي. دغه راز د یاد سړک پر وړاندې د شته خنډونو، خپلسرو هټیو او تر استملاک لاندې کورونو په لمنځه وړلو او پاکولو هم کار پیل شوی دی. کابل ښاروالي پلان لري څو له پروان سه تر سرای شمالي د سړک چارې په څلورو اصلي او فرعي لیکو کې د ۶۰ متره په پراخوالي او ۲۴۶۰ مترو په اوږدوالي د یوه معیاري سړک د ټولو برخو په ګډون په روان کال کې جوړ او ګټې اخیستنې ته وسپاري. کلونه کیدل د یاد سړک قیر چارې د استملاکي ستونزو له امله ځنډیدلې وې، چې اوس مهال یې کارونه چټکۍ سره په پوره دقت او معیاري توګه د بشپړیدو په حال کې دي.