د کابل ښاروالۍ د ټولنیزو او کلتوري چارو مرستیال مولوي حبیب الرحمن (منصور) نویو ګذر وکیلانو ته د اړینو معلوماتو وړاندې کولو سربیره، هغوی ته د ګذر وکیلانو مسئولیتونه او صلاحیتونه وروپیژندل. نوموړي ټینګار وکړ چې د لایحې له مخې د ګذر وکیلان د خلکو او مسئولانو تر منځ د پل حیثیت لري او باید د ښاریانو د ستونزو په هوارولو کې خپل ټولنیز او اخلاقي مسئولیت ادا کړي. د ټولنیزو او کلتوري چارو مرستیال زیاته کړه، چې کابل ښاروالي نشي کولای په یوازې توګه د خلکو ښاري ستونزې حل او مدیریت کړي او باید خلک او د ګذر وکیلان په پوره همغږۍ په دې برخه کې لاس په کار شي،څو دښاریانو ستونزې تر مسؤلانو ورسوي. نوموړي ځان د خلکو خدمتګار یاد کړ او ژمنه یې وکړه چې د ښاري فرهنګ د ودې او د خلکو د ستونزو په حل کولو کې به بې دریغه هڅې کوي.