د کابل ښار د دویشت ګونو ناحیو د عالمانو شورا غونډه د کابل ښاروالۍ د خلکو د همغږۍ چارو د رئیس محمد ناصر کبیري تر مشرۍ لاندې د ناحیو د عالمانو شورا د رئیسانو په ګډون ترسره شوه. په دې غونډه کې له اسلامي لارښونو سره سم پر ښاري ژوند خبرې وشوې او د کابل ښاروالۍ د رهبرۍ هغه حکم چې پر بنسټ یې مولوي شمس الله د عالمانو شورا رئیس وټاکل شو، ګډونوالو ته ولوستل شو. وروسته د رایو په اکثریت شیخ محمد نور د مرستیال او مولوي عبدالحسیب د یادې شورا د منشي په توګه وټاکل شول. ګډونوالو دغه راز د اسلامي نظام د بقا او د چاپیریالي او ټولنیزو ستونزو د حل په اړه اړینې پریکړې ترسره شوې.