د بګرامیو نساجۍ سړک د یوې اصلي لیکې قیرچارې د ۱۱۸۰ مترو په اوږدوالي او ۱۰،۵ مترو په پراخوالي د کار ساتنې او مراقبت ریاست له لوري ترسره شوې. د یاد سړک بنسټیزې چارې څو میاشتې وړاندې بشپړې شوې وې. دغه راز د یاد سړک په یوه بله برخه کې به هم د ۲۷۰۰ مترو په اوږدوالي او ۱۰،۵ مترو پراخوالي قیر چارې پیل شي. یاد سړک د ۳ کیلو مترو په اوږدواليی او ۶۰ مترو پراخوالي په دوه اصلي لیکو کې د اوبو د لښتیو، ګلدانونو، پلو لارو، د روښنایی څراغونو او کرښو اچولو په ګډون ډیزاین شوی دی.