د کابل ښاروال مولوی عبدالرشید د یادې ادارې له یو شمیر مراجعینو سره په کتنه کې ژمنه وکړه چې د ښاریانو ستونزو ته به پر وخت رسیدنه وشي او مسئولانو ته لارښونه وکړه څو هر ژر د ښاریانو اسناد وڅیړي او په دې برخه کې ورته د مسئولو څانګو او کسانو ناغیړي د منلو وړ نه ده. چې د کابل ښاروالۍ مسئولان د خلکو خادمان دي او باید خلکو ته په خدمت کولو کې مخکښ او تل چمتو و اوسي. کابل ښاروال دغه راز زیاته کړه چې، د ښاري ستونزو لمنځه وړلو لپاره اړینه ده ټول خپل مسئولیتونه په سمه توګه ادا کړي او په کارونو کې له یو بل سره همکاري وکړي.