کابل ښاروال مولوي عبدالرشید د پلټنې عالي ادارې له تخنیکي ټیم سره د عوایدو ریاست او په پنځو ناحیو کې د عوایدو برخې د اداري کړنو د ارزولو په اړه بحث او خبرې وکړې. کابل ښاروال د شفافیت د رامنځته کیدو، حساب ورکونې او غوره حکومتوالۍ په برخه کې د پلټنې عالي ادارې هڅې وستایلې او ډاډ یې څرګند چې، په راتلونکو اجراآتو کې به د مسئولانو لپاره د مکافاتو او مجازاتو اصل ته پام کوي. نوموړي زیاته کړه چې له پلټنې عالي ادارې سره به په ګډه هڅه وکړي څو په کارونو کې کیفیت او موثریت رامنځته شي، ځکه له فاسد سره د مبارزې په برخه کې د دوی فعالیتونه مهم دي او د کابل ښاروالۍ رهبري چمتو ده څو په دې برخه کې هر ډول ګډو هڅو ته زمینه برابره کړي.