کابل ښاروال مولوي عبدالرشید د بګرامیو منډوي په سیمه کې د یوې یخ خونې او د میوې مارکیټ د جوړیدو طرحه و ارزوله او د لا ډیرې بډاینې په موخه یې خپل نظرونه شریک کړل. کابل ښاروال د خصوصي سکټور لپاره د پانګې اچونې په برخه کې یاده طرحه ګټوره وبلله او له هغې یې هرکلی وکړ. نوموړي وویل چې چمتو ده څو د خصوصي سکټور په برخه کې د پانګې اچونې لپاره غوره زمینه برابره کړي. د بګرامیو منډوي سیمه ۱۶۴ جریبه ځمکه لري او کابل ښاروالي ژمنتیا لري څو د خصوصي داخلي سکټور په مرسته په یاده سیمه کې غوره بدلون راولي.