د دولسمې ناحیې اړوند د احمدشاه بابا مینې په اتم او نهم بلاک کې د ۱۵،۳ کیلو مترو په اوږدوالي د تیږو فرش په شکل د سړک جوړونې پروژې چارې جریان لري. تر اوسه د یادې پروژې ۷۰ سلنه چارې ترسره شوې دي او ډیر ژر به یې پاتې چارې بشپړې او ګټې اخیستنې ته به وړاندې شي. په تیږو د سړکونو فرش چارې د ځمکې د سر اوبو د جذب په برخه کې ګټورې دي او د دې سربیره خورا لوړ مقاومت لري. د یادې پروژې په بشپړیدو سره به د سیمې د خلکو چاپیریالي ستونزې تر ډیره بریده حل شي.