د کابل ښاروالۍ له لوري او د خصوصي سکټور په ګډون د (۲۴۶۱۳۵۶۰) څلورویشت میلیونه شپږ سوه دیارلس زره پنځه سوه شپېته افغانیو په لګښت، د کابل سیند شمال خوا ته له پل باغ عمومي تر پل خشتي، د (۵۵۰ )مترو په اوږدوالي او (۲۵) مترو پراخوالي سره د غځیدلي سړک جوړولو چارې پیل شوې. یاد سړک به چې د ښار په مرکزي برخه کې موقعیت لري او د کلونو په تېریدو ویجاړ شوی وو، په اساسي توګه تر راتلونکو څلورو میاشتو پورې جوړ شي. د دې سړک لګښت د حبیب بلال سوداګریز شرکت له لوري ورکول کیږي، چې په بدل کې به یې یاد شرکت د سړک دواړو څنډو کې له جوړېدونکو هټیو څخه د کابل ښاروالۍ د عوایدو ریاست له لوري د کرایې تر ټاکلو وروسته د دریو کلونو لپاره ګټه واخلي. دیادولو وړ ده چې، دکابل ښاروالۍ د پروګرامونو او پروژو ریاست له لوري به په دوامداره توګه د یاد سړک له ډیزاین او کیفیت څخه څارنه کیږي، څو یې د جوړولو چارې په ټاکل شوي وخت پای ته ورسیږي.
له پل باغ عمومي څخه تر پل خشتي پورې د غځیدلي سړک د جوړولو چارې پیل شوې!
2 میزان 1401