کابل ښاروال مولوي عبدالرشید په داسې حال کې چې کابل والي شیخ ندامحمد ندیم یې ملتیا کوله، د زمان خان کلا شپېته متره سړک د جوړولو له چارو یې ليدنه وکړه. ددې ليدنې پرمهال کابل والي شیخ ندامحمد ندیم د کابل ښاروالۍ د کار، ساتنې او مراقبت ریاست یو شمیر هغه کارکوونکي چې د ددغې پروژې پرمخ بیولوکې یې له ځانه وړتیا ښودلې وه، په نغدي ډالیو ونازول او دوی یې وهڅول، څو د هیواد د آبادۍ او سمسورتیا په برخه کې لا ډیرې هڅې وکړي.نوموړي د کابل د آبادۍ او پرمختګ په برخه کې د کابل ښاروالۍ وروستۍ هڅې د قدر وړ وبللې او وویل: اړینه ده څو ټولې ادارې، بنسټونه، د امارت مسئولان او ټول ښاریان د کابل ښاروالۍ له پروګرامونو او پلانونو څخه ملاتړ وکړي.د یادونې وړ ده چې، د زمان خان کلا شپېته متره سړک دقیر اچونې او یو شمېر نورو اساسي برخو د جوړولو چارې روانې دي او د کابل ښاروالۍ د کار، ساتنې او مراقبت ریاست کارکوونکي هڅه کوي، څو د یادې پروژې چارې په سمه توګه بشپړې کړي.