د څلورمې ناحیې په اړوند سیمو کې تر دې دمه (۶۳۰۰) اړمنو ښاریانو ته د خوراکي توکو مرستې ویشل شوې دي او دا لړۍ روانه ده. د څلورمې ناحیې رئیس سیدمحمود هاشمي، په یاده ناحیه کې د خوړو نړیوال سازمان له لوري اړو ښاریانو ته د مرستو لړۍ و ارزوله او ویې ویل چې، کابل ښاروالۍ یوازې مرستو ته زمینه برابروي، څو دغه مرستې واقعي اړو کسانو ته ورسیږي. د یادونې وړ ده چې، اړمن کسان له وړاندې د ګذر وکیلانو شورا له لوري په نښه کیږي، او تر دې دمه د یادې ناحیې (۶۳۰۰) اړو کسانو ته د خوړو توکو مرستې ویشل شوې دي او تر یوې میاشتې به نور هم دوام ولري. د خوړو نړیوال سازمان له لوري اړو کسانو ته (۴۳۰۰) افغانۍ نغدې ورکول کیږي، چې تر اوسه پورې څو ځلي ویشل شوې دي.