د ښاریانو روغتیا ته د پاملرنې په موخه، د کابل ښاروالۍ د چاپیریالي روغتیا او چاپیریال ساتنې ریاست کارکونکو له خوا، په بازارونو کې د خوراکي توکو او څښاک موادو د څارنې لړۍ روانه ده. تېره ورځ د مکروریانونو په بازارونو کې له یو شمېر هټیو د توکو د کیفیت او مصرف نیټې په موخه څارنه وشوه، چې په پایله کې ۴۰۰ کیلو ګرامه بې کیفیته خوراکي توکي چې د مصرف کولو نیټه یې هم پای ته رسیدلې وه، راټول شول او د لمنځه وړلو په لپاره ټاکل شوي ځای ته ولیږدول شول. په یادو موادو کې نوشابې، کچپ، بيسکویټ او یو شمېر نور توکي شامل وو. د دې څارنې په بهیرکې د پلټونکو له خوا د سیمې فعالیت کوونکو او هټیوالو ته سپارښتنه وشوه، څو د بې کیفیته او تېر وخته خوراکي توکو له پلور څخه ډډه وکړي، کنه له قانوني چلند سره به مخ شي. له ټولو ښاریانو هیله کیږي، څو د پیرلو پر وخت د توکو نیټې او کیفیت ته پام وکړي.