د کابل ښاروالۍ د خلکو د همغږۍ چارو، چارو له ادارې او د ۱۷ او ۱۸ ناحیو له عالمانو شورا، ګذر وکیلانو او ځوانانو سره د چاپیریالي او ښاري ستونزو د حل په موخه مشورتي ناسته ترسره شوه. په یاده ناسته کې له حکومت سره د خلکو د همکارۍ د پیاوړتیا، دګذر وکیلانو د فردي او ټولنیزو مسئولیتونو، د ښاریانو او مسئولانو د مسئولیت منلو، د مرستو په ویش کې په ریښتینې توګه د اړمنو پیژندلو، امنیتي او فرهنګي مسایلو په اړه خبرې وشوې. د کابل ښاروالۍ د خلکو د همغږۍ چارو او د چارو له ادارې د کلتوري او ټولنیزو چارو رئیسانو د خلکو لپاره د خپلو پروګرامونو په اړه وضاحت ورکړ او ډاډ یې څرګند کړ چې خلکو ته به ریښتني خدمتونه وړاندې کوي. مسئولانو په خپلو خبرو کې وویل چې د ښاریانو نظرونه او غوښتنې به تر چارواکو ورسوي او له پرځای نظرونو به د پروګرامونو په پلي کولو کې ګټه اخلي. د چارو ادارې د تطبیقي پلان له مخې به د خلکو له شوراګانو سره په ټولنیزو او نورو برخو کې ناستې یو پر بل پسې پلې شي.