د غوره ښاري مدیریت او د خلکو تر منځ دهمغږۍ په موخه، د ښار په کچه د کابل ښاروالۍ د خلکو د همغږۍ چارو ریاست له لوري د ګذر وکیلانو د ټاکنو لړۍ روانه ده. په وروستیو کې د پنځلسمې، شپاړلسمې او اوولسمې ناحیو د یو شمېر ګذرونو لپاره د خلکو د رایې پر بنسټ د دریو کلونو لپاره د ګذر وکیلان ټاکل شوي دي. پر ټاکنو د خلکو باور او او په دې پروسه کې د خلکوګډون، دا ښيي چې خلک پر ټاکنو باور لري او غواړي د خپلې ارادې پر بنسټ خپل وکیل وټاکي. د ټاکنو دا لړۍ به هغه ګذرونو ته هم وغځیږي چې، وکیل ونه لري، خلک ترې شکایت ولري او یا یې وکیل له دندې استعفا ورکړې وي.