له بده مرغه یو شمېر ښاریان په لښتیو کې د کثافاتو اچولو له امله د لښتیو د بندیدو لامل ګرځي او کثافات په پلو لارو، سړکونو او نا مناسبو ځایونو کې اچوي، چې د دوی د دې ناوړه کار له امله، له یوې خوا د تنظیف په کارکوونکو باندې فشار راځي او بل خواته د کابل ښاروالۍ ډیر شمېر مالي سرچینې په دغه کار باندې مصرف کیږي. هیله ده څو ښاریان په لښتیو کې د کثافاتو له غورځولو څخه په کلکه ډډه وکړي او خپل تولید شوي کثافات په ځانګړو کثافت دانیو او ټاکل شویو ځایونو کې واچوي، ځکه د راټولولو او لیږد له امله یې کابل ښاروالۍ خپل ډیري کاري فرصتونه له لاسه ورکوي. دا باید هیر نکړو چې، نارنجي اغوستونکي د کثافاتو راټولولو سربیره د لښتیو پاکولو په برخه کې هم ډیر زیار باسي.