د کابل ښاروالۍ د ودانیزو چارو او ښاري ترانسپورټ مرستیال انجنیر عامر زمرک "یاسر" د الکوزي له شرکتونو وړاندې د کابل بګرام سړک په پیل کې د دافع هوا تپې پر سر د اتلسمې ناحیې د اداري ودانۍ د جوړېدو چارې له نږدې ولیدې او د چارو د کیفیت او چټکتیا په موخه یې مسئولانو ته لازمې لارښونې وکړې. د لیدنې په مهال انجینر یاسروویل چې، کاري پرسونل باید د خوندیتوب په ټولو اړینو وسایلو سمبال شي، څو د زړه بوږنونکو پيښو له رامنځته کېدو څخه مخنیوی وشي. د یادولووړ ده چې تر دې دمه د یادې ودانۍ د جوړولو چارې (۷۰) سلنه مخته تللې دي او ټاکل شوې ده چې د روان کال تر پایه یې ټولې چارې بشپړې او ګټې اخیستنې ته وسپارل شي. د کابل ښاروالۍ د اداري څانګو رسمي پتې، د دې سربیره چې ښاریانو ته آسانتیاوې رامنځته کوي، د کارکوونکو د کاري خوندیتوب لامل هم ګرځي.