د کابل ښاروالۍ نارنجي اغوستونکي په بېلابېلو کاري وختونو کې په منظمه توګه ګمارل شوي دي، څو د ښار په کچه سړکونه جارو کړي. دوی په یوه شپه ورځ کې لسګونه کیلو متره سړکونه جارو کوي، څو د ښارپه پاکوالي کې مثبت بدلون راشي. د کابل ښاروالۍ د تنظیف ریاست له ګرانو ښاریانو څخه هیله کوي څو کثافات د سړکونو پر سر او په پلو لارو کې ونه غورځوي، ځکه د دوی د دې ناوړه کار له امله بیا نارنجي اغوستونکي زیار ګالي. نارنجي اغوستونکي هره ورځ د ښار په کچه دکثافاتو په راټولولو، د لښتیو په پاکولو او د عمومي واټونو او سړکونو په جارو کولو بوخت وي.