د کابل ښاروالۍ د تنظیف ریاست له لوري د اتمې ناحیې اړوند د رحمان مېنې له کانال د کثافاتو را ايستلو او پاکولو چارې پیل شوې. د کابل ښاروالۍ د تنظیف ریاست رئیس مولوي سعدالله عثماني وایي چې، له بده مرغه یاد کانال د یو شمېر ښاریانو له لوري پکې د کثافاتو اچولو له امله بند شوی وو او اوس یو ځل بیا د تنظیف ریاست له لوري د ځمکې د سر اوبو د مدیریت په موخه له رحمان مېنې د نساجۍ بګرامیو پر لور د ۷ کیلو مترو په اوږدوالي، ۴ مترو پراخوالي او ۲ مترو لوړوالي په بنسټیزه توګه پاک کیږي. د اټکل له مخې به له یاد کانال تر ۸۰۰ لارۍ کثافات ولیږدول شي.