د ښاریانو روغتیا ته د پاملرنې په موخه د چاپیریالي روغتیا او چاپیریال ساتنې ریاست او د اوومې ناحیې د مسئولانو له لوري د یادې ناحیې اړوند د اقای علي شمس، چهلستون، دوغ آباد، ده دانا او علاءالدین له بازارونو یو ټن تیر وخته او بې کیفیته خوراکي توکي راټول او د لمنځه وړلو په موخه ځانګړي ځای ته ولیږدول شول. د اوومې ناحیې د ښاري خدمتونو آمر حکمت الله حقمل وایي چې، په دې توکو کې څښاک مواد، صابون، کچپ، شیریني باب او نور مواد شامل دي. هټیوالو او فعالیت کوونکو ته سپارښتنه وشوه چې، د بې کیفیته او تېر وخته توکو له پلورلو ډډه وکړي. له ټولو ښاریانو هېله کیږي چې، د پیرلو پر وخت د توکو نېټې او کیفیت ته پام وکړي.