د چارو د دقت او چټکتیا په موخه کابل ښاروال مولوي عبدالرشید، د ودانیزو چارو او ښاري ترانسپورټ مرستیال انجنیر عامر یاسر او د ودانیزو چارو او چاپیریال ساتنې مرستیال مولوي محمد خالد سجستاني د قلعه زمان خان شپیته متره سړک د اصلي لیکو له قیر چارو لیدنه وکړه. کابل ښاروال مسئولانو ته لارښونه وکړه چې د یاد سړک قیر چارې دې په پوره دقت او معیاري توګه ترسره شي او په دې برخه کې ورته د مسئولانو ناغیړي د منلو وړ نه ده. نوموړي دغه راز د چارو د لا ښه والي په موخه مسئولانو ته ځانګړې لارښونې هم وکړې. د قلعه زمان خان شپیته متره سړک له مهمو سړکونو شمېرل کیږي چې د ښار مرکزي برخې له دولسمې ناحیې او ختیځ زون سره نښلوي.