کابل ښاروال مولوي عبدالرشید په افغانستان کې د آی- سي- آر -سي موسسې له عملیاتي مشر یووان ډیسون، د یادې موسسې له سلاکار عزت ګل او د اړیکو له مسئول سید احمد سروري سره په خپل کاري دفتر کې پریو شمېر موضوعاتو بحث او خبرې وکړې. په دې ناسته کې کابل ښاروال د بې ځایه شویو او کډوالو سره د مرستو او سرپناه په برخو کې د آی- سي- آر -سي فعالیتونه وستایل او له یادې موسسې سره یې د هر راز مرستې ژمنه وکړه. وروسته په افغانستان کې د آی- سي -آر -سي موسسې عملیاتي مشر یووان ډیسون له کابل ښاروال څخه مننه وکړه او د یادې موسسې او کابل ښاروالۍ ترمنځ یې د اړیکو پر پیاوړتیا ټینګار وکړ.