کابل ښاروال مولوي عبدالرشید د ودانیزو چارو او ښاري ترانسپورټ د مرستیال انجنیر عامر یاسر په ملتیا په اتمه ناحیه کې د یوه سوداګریز مارکیټ د جوړېدو له چارو ليدنه وکړه او د کار د کیفیت په اړه یې مسئولانو ته ځانګړې لارښونې وکړې. دا مارکیټ په (۸۰۵) متر مربع ځمکه کې په شپږو پوړونو کې د اقتصادې ودې او د کابل ښاروالۍ د عوایدو ډېرېدو په موخه جوړیږي، چې تر اوسه یې ۸۰ سلنه چارې مخته تللې دي او ټاکل شوې ده تر څو راتلونکو میاشتو ګټې اخیستنې ته وسپارل شي.