د ښاري نظم رامنځته کیدو په موخه، د اتمې ناحیې مسئولانو د هڅو په پایله کې، د یادې ناحیې اړوند د کارته نو تپه، دویم سړک، او یو شمېر نور بازارونه له ښاري بې نظمیو څخه پاک شول. د اتمې ناحیې مرستیال مولوي صدیق الله یوسفي په دې اړه وویل: یادې سیمې له ګرځنده کراچیو،ګرځنده پلورونکو او نورو بې نظمیو څخه چې، د سړک او پلو لارو د بندیدو سبب ګرځیدل پاکې شوې او دا لړۍ دوام لري. د نوموړي په وینا هیڅ چاته به اجازه ورنه کړل شي چې بیا ځلي د ښاري بې نظمیو لامل وګرځي او له پاکو شویو سیمو څخه به په دوامداره توګه څارنه کیږي.