له کوټه سنګي څخه تر کمپنۍ پورې د سړک منځ ګلدان ته د لازیاتې پاملرنې او ددې ګلدان د زرغونتیا په برخه کې د هلوځلو له امله، د پنځمې ناحیې اړوند ګذر وکیلانو، دیني عالمانو او ځوانانو شورا ګانو له خوا، د زرغونتیا ریاست رئیس مولوي عبدالوکیل متوکل، د یاد ریاست مرستیال سراج الدین پټان او د پنځمې ناحیې مرستیال رفیع الله احمدزی وستایل شول. د ستاینلیکونو ورکړې پر مهال یوشمیر ګډونوالو د خپلو ویناوو په ترڅ کې، د ښار د آبادۍ، پاکوالي او پرمختګ په برخه کې د کابل ښاروالۍ وروستۍ هلې ځلې وستایلې او له کوټه سنګي څخه تر کمپنۍ پورې د سړک منځ ګلدان یې د کابل ښار مهم ګلدان وباله اوژمنه یې وکړه چې، دیاد ګلدان د زرغونتیا په ساتلو کې به له کابل ښاروالۍ سره همکار و اوسي. همداشان د کابل ښاروالۍ مسئولانو ډاډورکړ چې، خلکو ته به ریښتیني او ګټور خدمتونه وړاندې کوي او د سیمې د پرمختګ او پراختیا لپاره به لاډیرې هڅې وکړي.