د دیارلسمې او څوارلسمې ناحیو ترمنځ په سرحدي برخه کې، د قلعه عبدالعلي اړوند حاجي افضل سیمې د کوڅو کانکریټ کولو چارې چې، څه موده وړاندې د کابل ښاروالۍ له لوري پیل شوې وې، لاهم دوام لري. دغه کوڅې په ټولیزه توګه څه باندې ( ۶ ) کیلو متره اوږدوالی او له(۳) مترو څخه تر (۶) مترو پورې پراخوالی لري، چې د کابل ښاروالۍ له داخلي بودجې څخه د څه باندې (۳۱) میلیونه افغانیو په لګښت په بنسټیزه توګه جوړیږي. دیادوکوڅو په جوړیدو سره به په سیمه کې دخلکو په وړاندې شته ستونزې حل شي. کابل ښاروالۍ په محرومو سیمو کې ښاري آسانتیاوو رامنځته کولو ته ژمنتیا لري او د پلان له مخې به په لرې پرتو ناحیو کې د آسانتیاوو د رامنځته کیدو په موخه، خپلې ټولګټې پروژې یو په بل پسې پلې کړي.