د کابل ښاروالۍ د ودانیزو چارو او ښاري ترانسپورټ د مرستیال انجنیر عامر زمرک یاسر له څارنې لاندې له وزیرمحمد اکبرخان تر قلعه موسی د نښلوونکي سړک یوې برخې قیر چارې پیل شوې. د ودانیزو چارو او ښاري ترانسپورټ مرستیال مسئولانو ته د چارو د کیفیت، دقت او چټکتیا په اړه ځانګړې لارښوونې وکړې. یاد سړک ( ۱۰۸۴ ) متره اوږدوالی او ( ۲۰ ) متره پراخوالی لري چې، د لښتیو، استنادي دیوالونو او نورو برخو په ګډون یې چارې د کابل ښاروالۍ د کار، ساتنې او مراقبت ریاست له لوري پر مخ وړل کیږي.