کابل ښاروال مولوي عبدالرشید د پانګه اچونې د ودې او ملاتړ په موخه، د بګرامیو په منډيي کې د یوه سوداګریز مارکیټ د جوړولو طرحه، چې د یوه کورني سوداګریز شرکت له خوا وړاندې شوې وه مثبته و ارزوله. په یاده طرحه کې د سړو خونو، میوې مارکیټ او د سوداګریزو فعالیتونو لپاره د نورو څانګو جوړول شامل دي او د لا بډاینې په موخه یې کابل ښاروال خپل نظرونه وړاندې کړل او ویې ویل چې، یاده طرحه دې د پلي کېدو په موخه د ریاست الوزار مقام ته د منظورۍ لپاره واستول شي. کابل ښاروال وویل: د خصوصي سکټور د ودې په برخه کې له ښو او جوړونکو طرحو څخه هرکلی کوي او کابل ښاروالي چمتو ده څو په دې برخه کې آسانتیاوې برابرې کړي. کابل ښاروالي پلان لري څو د شپاړلسمې ناحیې اړوند د بګرامیو د منډيي په ۱۶۴ جریبه ځمکه کې د خصوصي سکټور په مرسته د پام وړ بدلونونه راولي.