د ښاري کلتور د ودې او پیاوړتیا په موخه، دا ځل د پنځمې ناحیې اړوند علماؤ، ګذر وکیلانو، ځوانانو او د بیلابیلو اصنافو شوراګانو د استازو په ګډون،په ټولنیزو او کلتوري چاروکې د کابل ښاروالۍ مرستیال مولوي حبیب الرحمن منصور په مشرۍ د عامه پوهاوي غونډه ترسره شو. په دې غونډه کې په ټولنیزو او کلتوري چاروکې د کابل ښاروالۍ مرستیال په خپلو خبروکې ښاریان د ښاري اصولو او مقرراتو مراعات کولوته و هڅول او وویل چې، موږ ټول د ښار د آبادۍ، پاکوالي، زرغونتیا او ښاري نظم په وړاندې یو شانته مسوولیت لرو، نو اړینه ده چې په دې برخه کې د همدغو شوراګانو له لارې ښاریانوته سپارښتنې او لارښوونې وشي. همدا راز د کابل ښاروالۍ د نشراتو او عامه پوهاوي ریس قاري واسع الله زاهد، د خپلو خبروپه ترڅ کې د ښاري فرهنګ په اړه رڼا واچوله او وویل چې، دخلکو دهوساینې لپاره په ښاري ژوندکې، دښاري اصولو او مقرراتو په پام کې نیول اړین ګڼل کیږي. کابل ښاروالۍ د ښاري فرهنګ د ودې او لا پیاوړتیا په موخه، هڅه کوي څو دخپلو دا ډول غونډو لړۍ د ښار ټولو سیموته وغځوي. په دې غونډه کې د پنځمې ناحیې د شوراګانو استازو دکابل ښاروالۍ له پلانونوڅخه خپل ملاتړ اعلان کړ او ژمنه یې وکړه چې، د ښار دلاښه مدیریت په برخه کې به له کابل ښاروالۍ سره مرسته کوي. د غونډې په پای کې ګډون والوته دبیلابیلو ښاري مسایلو په اړه یو شمیر معلوماتي کليپونه وړاندې شول او ګټور کتابونه و ویشل شول.