په پنځمې ناحیې پورې اړوند له کمپنۍ چوک څخه تر کمپنۍ پله پورې د غځیدلي سړک منځ ګلدان د ښکلا چارې چې څه موده وړاندې د کابل ښاروالۍ له خوا پیل شوې دې، اوس هم دوام لري. د دغه سړک منځ او دواړو غاړو ګلدانونه به، چې کټارې، د بریښنا ستنې، د ونو او زینتي ګلانوکرل او د جدولونو رنګول هم پکې شامل دي، څه باندې (۵) کیلومتره اوږدوالی لري، په ښکلې بڼه جوړشي. کابل ښاروالۍ له ټولو ملي سوداګرو څخه غوښتنه کوي چې د ښاري ښکلا د پروګرام په پلي کولوکې له دغه خدماتي ارګان سره همکاري وکړي څو د کابل ښار ښکلا نوره هم زیاته شي.