د کابل ښاروالۍ د خپرونو او عامه پوهاوي ریاست له خوا، له ټوکرو څخه دجوړو شوېو کڅوړو د ګټې اخیستنې فرهنګ را ژوندي کولو او د چاپیریال پاک ساتلو په موخه، ښاریانوته یو شمېر کڅوړې وویشل شوې. همدا شان ښاریانو ته ددغو کڅوړو د ویشلو پر مهال ،د پلاستیکي کڅوړو د زیانونو په اړه دمعلوماتو ورکولو ترڅنګ، دوی ته دا هم وویل شول چې، له پلاستیکي کڅوړو څخه ډیره ګټه پورته نه کړي، ځکه پلاستیک نه یوازې د انسان روغتیا ته بلکې چاپیریال ته هم سخت زیان رسوي. دغه راز پلاستیک له یوې خوا د چاپیریال د ککړتیا سبب ګرځي او بل لوري ته د راز راز ناروغیو د خپریدو زمینه هم برابروي. یو شمېر ښاریانو چې دغه کڅوړې یې ترلاسه کړې، ژمنه وکړه چې له دې وروسته به له پلاستیکي کڅوړو څخه ګټه نه اخلي. هیله ده چې ټول ښاریان پلاستیک ته (نۀ) ووايي او په دې توګه له کابل ښاروالۍ سره همغږي او همکار و اوسي.