د کابل ښاروالۍ له لوري د ملګرو ملتونو د خدمتونو ادارې ( UNOPS) په مرسته د دوه سوه زره امریکايي ډالرو په ارزښت د احمد شاه بابا مېنې په اووم بلاک کې د سړک جوړولو د دوه پروژو چارې چې، څه موده وړاندې پیل شوې وې، لاهم روانې دي. د یادو پروژو له ډلې د (۴۳۴) متره په اوږدوالي د یوه سړک او کوڅې او د (۴۴۰) متره په اوږدوالي د یوه فرعي سړک کانکریټ چارې شاملې دي، چې ډیر ژر به یې چارې بشپړې او ګټې اخیستنې ته به وسپارل شي.