د ښاري نظم کمیسیون له لوري د یو لړ عملیاتو په ترڅ کې، ددواخانې ګولایي، شهید څلولارې، سرای غزني، او پل سرخ ته غځیدلي سړکونه له خپلسرو تاسیساتو او نورو بې نظمیو څخه پاک شول. د عملیاتو په لړکې د هټیو مخې ته ناقانونه رغونو، په پلو لارو او سړکونو کې خنډونو، د ګرخنده پلورونکو او هټیوالو بې نظمه فعالیتونو او نورو ورته مواردو ته ،چې له ښاري اصولو سره په ټکر کې ؤ رسیدنه وشوه. د يادونې وړ ده، چې په دې کار کې د پنځمې او شپږمې ناحيې مسوولان هم همکار وو. په ښارکې د ښاري نظم راوستل یوه اړتیا ده چې د بېلابېلو حمایوي او تقویتي پلانونو له لارې به وڅارل شي. ښاري ژوند په یو لړ اصولو او قوانینو پورې تړلی دی، له دې کبله د کابل ښاروالۍ مسئولان په ښار کې د ښاري نظم د ټینګښت په موخه هلې ځلې کوي.