د دولسمې ناحیې اړوند د احمدشاه بابا مېنې د دریم بلاک پارک د شاوخوا پلو لارو د جوړولو چارې چې، څه موده وړاندې د کابل ښاروالۍ له خوا او د ملګرو ملتونو دپروژوي خدمتونو ادارې ( UNAPS ) په مالي ملاتړ د شاوخوا سل زره امریکايي ډالرو په لګښت پیل شوې وې، لاهم روانې دي. یادې پلې لارې (۷۴۰) متره اوږدوالی او په بېلابېلو کچو پراخوالی لري چې د تیږو فرش په بڼه به جوړې شي. د پلو لارو په تیږو فرش له یوې خوا لوړ مقاومت لري او له بل لوري د پلو لارویانو لپاره آسانتیاوې رامنځته کوي.