د پنځلسمې ناحیې د مسئولانو د هلوځلو له امله، د پنجصد فامیلو په سیمه کې غصب شوې پلې لارې او زرغونې سیمې بېرته راوګرځول شوې او د غاصبانو له لوري هلته جوړ شوي ناقانونه تاسیسات پاک او ویجاړ شول. مخکې یو شمېر ښاریانو په بېلابېلو پلمو زرغونې سیمې او پلې لارې غصب کړې وې او ناقانونه تاسیسات یې پکې جوړ کړي وو، چې یو پر بل پسې ورته رسېدنه وشوه. پلې لارې او سړکونه عامه ملکیتونه دي چې هیڅ حکمي او حقیقي شخص نشي کولای له هغو څخه ناوړه ګټه پورته کړي. د کابل ښاروالۍ مسئولان د قانون او ښاري اصولو له مخې، ښاریانو ته د آسانتیاوو رامنځته کولو په برخه کې فعالیت کوي او سرغړونکو سره قانوني چلند کیږي.