د ښاري نظم کمیسیون له لوري د ښار یو شمیرمرکزي سیمې لکه، ده افغانان، د زیر زمینۍ سر، آسمايي واټ، فروشګاه، نادر پښتون واټ او ترڅیرمه یې د اوبو فوارې برخه له ښاري بې نظمیو څخه پاکې شوې دي. په دې سیمو کې د موټرو خپلسري تم ځایونه او ګرځنده پلورونکي، چې د لارو او سړکونو د بندېدو لامل ګرځیدلي وو، تنظیم او ټاکلو سیمو ته لیږدول شوي دي. دغه راز د عملیاتو په لړ کې د هټیو مخې ته ناقانونه رغونو او د نورو اصنافو سرغړونو ته درسېدنې سربیره یو شمیرسرغړونکي هم تادیب شول. د دویمې ناحیې مسئولان هره ورځ د ښار مرکزي سیمې څاري، څو د ښاریانو د تګ راتګ او دترافیکي بهیرپر وړاندې بیا ځل ستونزې او خنډونه رامنځته نشي. ښاري ژوند په یو لړ ښاري اصولو او قوانینو پورې تړلی دي، چې موږ ټول باید د ښاري سوکالۍ په موخه، هغه په پام کې ونیسو.